Plantun de Prouvènço

Pèr coumpara dos planto d'encò nostre

Prunus avium & Scirpoides holoschoenus subsp. holoschoenus

Cereisié-fèr

Prunus avium

Rosaceae

Àutri noum : Cereiras, Piéucère, Grifaudié.

Nom en français : Merisier.

Descripcioun :
Lou cereisié-fèr trachis dins li bos fres. Es esta peréu planta. Se recounèis l'ivèr à sa rusco que se lèvo en anèu, la primo e l'estiéu à si gràndi fueio emé de glando roujo sus lou pecou e de segur i cerieso.

Usanço :
Li cerieso soun evidentamen manjadisso coum'acò o d'ùni biais. Se li co soun couneigudo pèr faire pissa, se saup mens que li fueio podon servi pèr sougna li plago. P. Lieutaghi raporto que dins lis annado de 1930, se sougnavo li plago di chivau emé d'emplastre de fueio boulido (P. Lieutaghi, op.cit. p. 149).

Port : Aubre
Taio : 3 à 20 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 12 à 30 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à mai

Liò : Bos fres - Baragno
Estànci : Mesoumediterran à Mountagnard
Couroulougi : Paleoutemperado
Ref. sc. : Prunus avium (L.) L., 1755

Liandro

Scirpoides holoschoenus subsp. holoschoenus

Cyperaceae

Nom en français : Scirpe-jonc.

Descripcioun :
Aquelo planto èi troumpouso que sèmblo pulèu, à proumiero visto, à un jounc qu'à uno liandro (pamens i'a ges de tepalo e lou fru es un akène eici - un boursèu encò di Juncaceae). Autramen se recounèis à sis enflourejado (terminalo e faussamen sus lou coustat) en boulo surmountado pèr uno bratèio. La subsp. presentado eici, holoschoenus, se recounèis à sa bratèio courto (< 25 cm e souvènt bèn mens, e pounchudo) e lou noumbre de gloumerulo impourtant (mai que 5, e fin qu'à 30).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,3 à 1,5(2,5) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Scirpoides
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1,5 à 3 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à avoust

Liò : Ribiero - Palun - Escoumbre e proche dis oustau
Estànci : Termoumediterran à Mountagnard
Couroulougi : Mediterrano-atlantico
Ref. sc. : Scirpoides holoschoenus subsp. holoschoenus (L.) Soják, 1972 (= Scirpus holoschoenus L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Prunus avium & Scirpoides holoschoenus subsp. holoschoenus

Coumpara Cereisié-fèr emé uno autro planto

Coumpara Liandro emé uno autro planto